کہہ رہی ہے چشمِ تر

یاد حضور تاج الشریعہ علیہ الرحمہ میں نم آنکھوں سے لکھا گیا ایک نامۂ محبت

کہہ رہی ہے چشمِ تر ، آجاییے اختر رضا
نوری چہرا پھر ہمیں دکھلاییے اختر رضا

اے وقارِ علم و فن، اے تاجدارِ سنیت
آپ کو آواز دیتا ہے دیارِ سنیت
بزمِ حق کو آکے پھر چمکاییے اختر رضا
کہہ رہی ہے چشمِ تر

وارثِ علم رضا ، تاج الشریعہ آپ ہیں
فخر ازہر آپ ہیں، مہمانِ کعبہ آپ ہیں
اہل ایماں پر کرم فرماییے اختر رضا
کہہ رہی ہے چشم تر

آپ کی فرقت میں روتے ہیں دل و جان و جگر
عاشقوں کی زندگی ہے یاد کے اشکوں سے تر
یوں نہ دیوانوں کو اب تڑپاییے اختر رضا
کہہ رہی ہے چشمِ تر

منتظر ہے میکدہ ، تکتی ہے پیمانوں کی آنکھ
کان ہیں آہٹ پہ اور چوکھٹ پہ دیوانوں کی آنکھ
آکے پردہ ہجر کا سَرکاییے اختر رضا
کہہ رہی ہے چشم تر

حامد و جیلانی نوری اور رضا کے لاڈلے
دیجیے مرشد ! ہمیں تعمیر حق کے ولولے
پھر سے اب تشریف ہم میں لاییے اختر رضا
کہہ رہی ہے چشمِ تر

اے نظر کے نور ، اے مہتابِ چرخِ زندگی
آپ کے بِن ، پھیکی پھیکی ہے جہاں کی روشنی
پھر تجلی دید کی پہناییے اختر رضا
کہہ رہی ہے چشم تر

پھوٹتے تھے آپ کے لفظوں سے چشمے نور کے
یاد آتی ہے وہ شیریں گفتگو وہ زَمزمے
آکے پھر بزمِ سخن گرماییے اختر رضا
کہہ رہی ہے چشمِ تر

اے بہارِ فیض، اے ابرِ کرم، اے پاسباں
گلشنِ ملت پہ ہر سو ہے عداوت کی خزاں
بارش لطف و کرم برساییے اختر رضا
کہہ رہی ہے چشمِ تر

اے مرے تاج الشریعہ ، سنیوں کی آبرو
عرض کرتا ہے فریؔدی کا جہانِ آرزو
اپنے قدموں سے اِسے مہکاییے اختر رضا
کہہ رہی ہے چشمِ تر آجاییے اختر رضا
آجاییے اختر رضا