ربیع الاول شریف
نعمـتِ رب کا خــزینہ ہے ربیـع الاول
بحــرِ بخــشِش کا سفینہ ہے ربیع الاول
جو ملا‛جسکوملا‛ اِسکے تصدق سے ملا
ســب کـمالات کا زیـنہ ہے ربیــع الاول
سال کےگیارہ مہینے ہیں انگوٹھی کی طرح
اُســکا بـے مِثـل نگـینہ ہے ربیع الاول
خود زباں پیکرِ توصیف میں ڈھل جاتی ہںے
نعت کا ایسا قـرینہ ہے ربیـع الاول
جو نہ جا پائے‛ وہ اِس چاند کا دیدار کرے
عَکـــسِ انـوارِ مــدینہ ہے ربیـع الاول
ظلمتِ غم میں مسرت کے دیںے جلتے ہیں
مضــطرب دل کا‛ سکـینہ ہے ربیع الاول
جِسکےآنے سے عیاں ہںوتا ہںے نجدی کا نفاق
اک کســــوٹی کا مہـیـنہ ہے ربیــع الاول
جو کـراتا ہںے وفا اور دغا کی پہچان
ایســا اِک دیـدۂ بینا ہے ربیــع الاول
جِس سے ہںے جوش محبّت ، اے فریدی تازہ
کوثـرِ عِشــــق کا مِـینا ہے ربیـــع الاول
از .. فریدی صدیقی مصباحی، مسقط عمان