اِس کلام میں ہر شعر کا آغاز ، مرشد کے اسمِ گرامی ،، ا خ ت ر — ر ض ا — خ ا ن — ا ز ہ ر ی — ( اختر رضا خان ازہری) کے حروف تہجی کی ترتیب سے کیا گیا ہے ،منقبت کے ساتھ مرشد کی بارگاہ میں یہ خصوصی نذرانہ بھی ہے
لہذا یہ کلام جہاں جہاں پڑھا جائے ، کوشش ہو کہ مکمل پڑھا جائے
فریدی
ا) اہلِ سنن کی آنکھ کا تارا چلا گیا)
افسوس، پاسباں وہ ہمارا چلا گیا
خ) خـستہ جگر ہےعالَمِ اسلام وسنیت)
اربابِ علم و فن کا سہارا چلا گیا
ت) تقسیم کرکےعشقِ نبی کی تجلیّاں)
افسوس اب وہ ماہِ دل آرا چلا گیا
ر) روح سخن، وقارِ ادب، آبروئے فن)
حکمت کا اک عظیم مِنارہ چلا گیا
ر) رونق تھی جسکےدَم سےحریمِ علوم کی)
دنیا سےوہ رضا کا دُلارا چلا گیا
ض) ضربِ شدید، نجد پہ جسنےلگائ ہے)
باطل سےعمربھرجو نہ ہارا، چلا گیا
ا) اخترمیاں کودیکھ لو جانےسےپہلے تم)
کرکے وہ عاشقوں کو اشارہ چلا گیا
خ) خوش بخت ہیں وہ جنکوزیارت ہوئ نصیب)
اب وہ نہ مِل سکے گا دوبارہ ، چلا گیا
ا) اک شمع جسکےچاروں طرف عاشقوں کی بھیڑ)
جس سےتھایہ حَسِین نظارا،چلاگیا
ن) نورِنظروہ حامدونوری کاتھاعظیم)
دونوں کےبحرِفن کاوہ دھاراچلا گیا
ا) اللہ نےجسے کیا مجموعۂ علوم)
وہ انجمن گئ، وہ ادارہ چلا گیا
ز) زائل نہ ہوگالوح عقیدت سےاسکا نام)
تا عمرجسنےسبکو سنوارا چلا گیا
ہ) ہرسمت اُسکےنغمۂ ہستی کی گونج ہے)
اپنا بناکےسب کو، وہ پیارا چلا گیا
ر) رحمت ہواُسکی قبرپہ ربّ غفور کی)
جسنے جمالِ حق کو نکھارا چلا گیا
ی) یزداں کےفیصلےپہ فریدی کاسرہےخم)
صدآہ، قلبِ عشق کا پارہ چلا گیا
از محمد سلمان رضا فریدی صدیقی مصباحی، بارہ بنکوی مسقط عمان