اے رضا اے رضا

عشق نبی قبلہ ترا پیغام حق خطبہ ترا
خورشید فن تیری جبیں تو ہند میں فیض معیں
اے رضا اےضا اے بریلی کے شاہ

ہر رنگ ہے تازہ ترا چاروں طرف شہرہ ترا
تو گوہر صدق و یقیں تو ہند میں فیض معیں
اے رضا اے رضا اے بریلی کے شاہ

جیسے خورشید جیسے نجوم و ہلال
جگمگاتا ہے یوں تیرا فضل و کمال
تیری ذات مبیں جلوہ شاہ دیں
تو خدا کی عطا ،اے رضا اے رضا اے بریلی کے شاہ

آبروئے سخن ، تاجدار قلم
نور بزم عرب ، مہر چرخ عجم
روئے علم و ہنر ،اسقدر خوب تر
جس پہ عالم فدا اے رضا اےرضا اے بریلی کے شاہ

دین کی شان تو ،حق کی پہچان تو
باغ ایماں کا ہے اک نگہبان تو
تیرا رنگ عمل ،منفرد بے بدل
حق کا تو آٰئینہ،اے رضا اے رضا اے بریلی کے شاہ

رب کی آیات میں ایک آیت ہے تو
صرف حضرت نہیں اعلیٰ حضرت ہے تو
اہل حق نے کہا ،میرے سرکار کا
تو ہے اک معجزہ،اے رضا اے رضا اےبریلی کے شاہ

شاہ برکات نے ایسی سوغات دی
بڑھ گئ تاب جس سے کمالات کی
پھر ہوا چار سو ،دہر میں کو بکو
آپ کا غلغلہ،اے رضا اےرضا اے بریلی کےشاہ

حجّۃ اللٰہ فی الارض”ہے تیری ذات
معتمد مستند تیری ہر ایک بات
ہے اکابر اصاغر کا محبوب تو
اے امام ہدا،اے رضا اے رضا اے بریلی کےشاہ

تیرے سر پر مجدد کا تاج حسیں
تیرا سینہ علوم علی کا امیں
قطب ارشاد تو ،نور بغداد تو
نائب مصطفیٰ،اے رضا اے رضا اے بریلی کے شاہ

فقہ میں وقت کا بو حنیفہ ہے تو
زہد میں غوٖث اعظم کا جلوہ ہے تو
فخر اہل سنن م اے ولئّ زمن
مرحبا مرحبا ،اے رضا اے رضا اے بریلی کے شاہ

وقت کے فتنوں پر وار تو نے کیا
ہم کو بر وقت بیدار تو نے کیا
تیرا فیضان ہے ،تیرا احسان ہے
ہم پہ بے انتہا،اے رضا اے رضا اے بریلی کے شاہ

خوشنما ہے یہ عرس رضا کا سماں
علم کے چاند تارے اترے ہیں یہاں
تیری گھر کی چمک کم نہ ہو حشر تک
برسے فضل خدا،اے رضا اے رضا اے بریلی کے شاہ

شکر ہے ہم کو تاج الشریعہ ملے
روشنی ہیں جو دونوں جہاں کے لیے
جن میں تیری جھلک تیرے فن کی چمک
جن میں تیری ادا،اے رضا اے رضا اے بریلی کے شاہ

کر رہےہیں طلب تیرا فیضان ہم
در پہ پھیلائے اپنا دامان ہم
بخش دیجیے ہمارے دل و جاں کو بھی
اپنے فن کی ضیا، اے رضا اے رضا اے بریلی کے شاہ

ہو سکیں گے نہ اوصاف تیرےرقم
میری حد سے فزوں تیرا علمی حرم
خستہَ فن فریدی،تو شہکار فن
تو کجا من کجا ، اے رضا اے رضا اے بریلی کے شاہ

اے پیکر عشق و وفا سب پر عیاں جلوہ ترا
،صد آفریں صد آفریں تو ہند میں فیض معیں
اے رضا اے رضا اے بریلی کے شاہ

بیٹا ترا نوری میاں،بیٹا تراحامد رضا
ببیٹا ترا اختر رضا ،بیٹا ترا عسجد رضا
کتنا حسیں ،کیا دلنشیں،تو ہند میں فیض معیں
اے رضا اے رضا اے بریلی کے شاہ