عالِمِ اسلام کو حضورﷺ کی آمد کا مہینہ خوب خوب مبارک ہو … ہم سیرت رسول صلی اللہ علیہ وسلم پر
عمل پیرا ہوں تاکہ مسلمانوں کی عظمت رفتہ بحال ہو
ہوا اُجالا، اندھیروں کےچَھٹ گیے ساۓ
حضور جب آۓ
خدانےنور کےموتی، جہاں پہ برساۓ
حضور جب آۓ
اُدھرسجایا گیا روشنی سےسارا گگن
اِدھربچھاۓگیے راہ میں گل و گلشن
نوازشات کے بادل زمانے پر چھاۓ
حضور جب آۓ
زمیں پہ بُت گرے اورکفرکا بھرم ٹوٹا
خوشی تھی ایسی کہ کعبہ بھی وجد میں آیا
سعید جھوم اٹھےاور لعین گھبرائے
حضور جب آۓ
زمیں فلک نےکیا بڑھکے انکا استقبال
پڑھا ترانـۂ تبریک ، نغـمـۂ اِجلال
فضاۓدہرمیں پرچم خوشی کے لہراۓ
حضور جب آۓ
صداۓ حق وصداقت سے گونج اٹھا سنسار
ہوامیں اُڑگیےکِذب وفریب کے کہسار
نظامِ دین کے مضبوط ہوگیے پاۓ
حضور جب آۓ
بلال و بوذر و سلمان جیسے، مان گیے
توعَتبہ شَیبہ عداوت کےپردےتان گئے
بہشتی آکے ملے ، اورناری کَتراۓ
حضور جب آۓ
سہارامل گیابیواٶں کو، یتیموں کو
نٸ حیات ملی بـےبسوں،ضعیفوں کو
سبھی بجھےہوۓ چہرے خوشی سے مُسکاۓ
حضور جب آۓ
جہاں کو زینتِ تہذیب سےسنوار دیا
یدِ کرم سے رُخِ زندگی نکھار دیا
ملے جہان کو علم وادب کے سرماۓ
حضور جب آۓ
ضیاۓامن کی سوغات بخشی دنیاکو
بہارِعدل ومُساوات بخشی دنیا کو
ملی پناہ، وہ ہوں اجنبی کہ ہمساۓ
حضور جب آۓ
اٹھوفریدی، چلو انکےخیر مَقدَم کو
ترانےگاٶ، اٹھاٶ وفا کےپرچم کو
جہاں نےرنگ اِنہی چاہتوں کے دکھلاۓ
حضور جب آۓ
ترانۂ تبریک .. مبارکبادی کا ترانہ
نغمۂ اِجلال .. عظمت و شوکت کا نغمہ
