ارے واہ … کیا بات رمضان کی

کرم کی ہے برسات ،،، رمضان کی 
ملی سب کو خیرات ،، رمضان کی

شیاطین قید ،، اور دوزخ ہـے بند 
عجب ھیں کرامات ،، رمضان کی 

نـدامت کـے آنسو ،، گُہَر بن گیـے
صـدف ہیں منـاجـات ،، رمضان کی 

خدا خود ہی اِسکی جزا میں ملے 
ارے واہ ” کیـا بات رمـضان کی،،

بہشتی ہیں افطار وسحری کےرنگ 
یہ سب ھیں عنـایـات ،، رمضان کی  

نـرالا ہــے   منـظــر ،،،،  تـراویـح  کا 
کہ جیسـے  ہو بـارات رمـضــان کی 

کلامِ  خــدا ،،، اِسـمیں نازل ،،، ہوا  
بتــاتی ہیـں  آیـات ،،،، رمـضان کی 

تلاوت کی خوشبو سے مہکے ہیں سب 
معطّر ہے سوغات ،،، رمضان ،،، کی

عبادت میں ڈھلتا ہـےسب کا مزاج
انوکـھی ہیں  بـرکات،، رمـضـان کی

لگادیں عبادت میں دن رات ہم
ہیں انـمـول سـاعـات ،،، رمـضان کی

جو قـطرہ طلب ہو ،، تو دریا ملـے ،،
سـخی ہـے بڑی  ،، ذات رمـضـان کی 

بدوں کو بھی ،، جنّت کا مژدہ ملا 
سنـد ہیں عبادات ،،، رمـضان کی 

یہ مہـمان ،،، لایا شفاعت کـے  پھول
کـریں ہم  ،،، مُـدارات رمـضـان کی

نـظـر آتا ہـے  ،، بس کـرم ہی  کرم 
پڑھو جب  حکایات ،، رمضان کی 

اٹھـے ھیں فریدی کے ،، دستِ سوال 
 ملے بھیک ،، دن رات،، رمضان کی

مُدارات .. مہمان نوازی 

Leave a Comment