منقبت درشان مجدد اعظم ، سیدی سرکار اعلی حضرت رضی اللہ عنہ
مسلکِ اہلِ حق کی، سَنَد ہیں رضا
معتبـر ہیں رضـا مُعـتَمَـد ہیں رضا
گَھٹ سکےگی کسی سےنہ انکی چمک
جـلـوۂ شــانِ ربِّ صَـمَــد ہیں رضـا
کیوں نہ تسلیم انکو زمانہ کـرے
راہ حق میں بہت مُستَنَد ہیں رضا
مَـظہَر شیـرِ یـزداں ہـے اُنکی حیات
بـارگاہِ عـلِی کـے اَسَـــد ہیں رضـا
سنّیت میں ہـے انکے دلائل سے جوش
نجـد کی ہر خَباثت کا رَد ہیں رضا
عظمتِ حق کی شکلِ مُجسّم ہیں وہ
عشق و عرفاں کے روح و جَسَد ہیں رضا
اہلِ اسلام اُن کی قیادت میں ہیں
رہبـرِ حـق نمـا ،، تا اَبَـد ہیں رضـا
مسـلکِ اعـلٰی حـضـرت ، نشــانِ ھُـدٰی
حقّ و باطل کـے مابین ، سَد ہیں رضا
ان کا دل ، ایک خورشید حُبِ رسول
عشق کےخوشنما خال و خَد ہیں رضا
عالَمِ فکر و فن ، خود تعجّب میں ہـے
ایسـے شَہـکارِ عقـل و خِـرَد ہیں رضا
اُنکی رفعت پہ خَم ہے فلک کی جبیں
علم و حکمت میں اعجازِ قَد ہیں رضا
فوجِ حق جنکی نُصرت سے ہے کامیاب
قُـوّتِ حق کی ایسی رَسَـد ہیں رضـا
خِـرمنِ نجـد پر ، شـعـلۂ بـرق ہیں
اہل حـق کی سـراپا مـدد ہیں رضا
گھاؤ ہےجس سے اب بھی دلِ نجد میں
خنجرِ حق کی اک ایسی زَد ہیں رضا
اُنکی عظمت کوہم کیا بیاں کرسکیں
بالیقیں "شـانِ ذاتِ اَحَـد” ہیں رضا
کیوں نہ تاج الشریعہ پہ قرباں ہو دل
میرے شیخِ طریقت کے جد ہیں رضا
اُن کا چـرچا رہـے گا قیامت تلک
یـادگارِ طَـویلُ الاَمَـد ہیں رضـا
ہـے اُنھی کاتخـیّـل ، مـری کائنـات
فکروفن میں فریدی کی حد ہیں رضا
اسَد … شیر
حق نما .. حق دکھانے والے
اعجاز قد .. علمی قد میں ایسی بلندی پائ ، جو کرشمہ و کرامت بن گئ
خال و خد .. شکل و صورت
شہکارِ عقل وخرد .. سوچ اور فکر میں بہت اعلٰی
سَد .. ایسی روک جو ، دو چیزوں کو الگ کردے
طویل الاَمد .. لمبی مدت
رَسَد .. مدد کے اسباب وذرائع
Ansar Khan REHMANI
Nashik
My mo 9921410049
Call back fast
Plz bhai
bataiyen?