ایسا اُمّی جس کا ما یَنطِقْ لبِ ارشاد ہو
ایسا اُمّی جو کمال و فضل کی بنیاد ہو
ایسا اُمی جس سے باغِ علم و فن آباد ہو
ایسا اُمی کس لیے مِنّت کَشِ استاد ہو
کیا کفایت اُسکو إقرأ ربُّک الأکرم نہیں
جسکی ہستی ماوراے خدشہ و إیراد ہو
اُسکا جو گستاخ ہے، وہ خوار ہو برباد ہو
جس نبی کی ہر ادا ، قرآنی إِسْتِشْہاد ہو
ایسا اُمی کس لیے مِنّت کشِ استاد ہو
کیا کفایت اُسکو إقرأ ربُّک الأکرم نہیں
*إیراد … اعتراض، نکتہ چینی
*إستشہاد … گواہی، ثبوت، سند
اک معلّم بن کے جسکی بعثت و میلاد ہو
جس کا خُلق و خَلق، فخرِ عالمِ ایجاد ہو
عَلَّمَکْ سے جسکے علم و فضل کی إسناد ہو
ایسا اُمی کس لیے مِنّت کَشِ استاد ہو
کیا کفایت اُسکو إقرأ ربُّک الأکرم نہیں
