سفیر عشقِ نبی ، پیکر اخلاق و مُرَوّت ، عاشق رضا ، جامعہ امیر العلوم مینائیہ گونڈہ کے سربراہ اعلیٰ ، بانئ مساجد کثیرہ ، محبوب العلماء والمشائخ پیر طریقت حضرت شاہ محبوب مینا قادری ضیائ علیہ الرحمہ کے وصال پر تعزیت کے آنسو
سَفیرِ الفتِ شاہِ مدینہ
مرے محبوب مینا
عقیدے کی حفاظت کا سفینہ
مرے محبوب مینا
تری رحلت سے چشمِ دہْر نم ہے
بھرا ہے رنج سے عالَم کا سینہ
مرے محبوب مینا
گئے ہیں کون؟ سب یہ پوچھتے ہیں
جو شانِ اہلسنت تھے وہی نا
مرے محبوب مینا
بڑا شَفَّاف تیرا رنگِ ہستی
ضیائ نسبتوں کا آبگینہ
مرے محبوب مینا
رہے تم ، نجدیت پر برق بن کر
نبی کےعشق میں تھا مرنا جینا
مرے محبوب مینا
جھلکتا ہے درِ "مینائیہ” سے
ترے کردار و سیرت کا قرینہ
مرے محبوب مینا
رضا کی فکر کے سچے محافظ
ہیں تاجِ سنیت کے اک نگینہ
مرے محبوب مینا
تھے محبوب و مُحِب وہ عالِموں کے
مُرَوَّت اور سخاوت کا خزینہ
مرے محبوب مینا
بڑی تدبیر سے دی حق کو وُسعت
کہ رکھتے تھے دلِ دانا و بینا
مرے محبوب مینا
عجب شوکت تھی اُن کی سادگی میں
فقیری میں بھی شاہی کا قرینہ
مرے محبوب مینا
گُہر باری کرے تا حشر رحمت
لحد میں فضلِ رب کا ہو سکینہ
مرے محبوب مینا
تری نسلوں میں ہوں اوصاف تیرے
چلے یہ سلسلہ سینہ بسینہ
مرے محبوب مینا
یَقولُ الناسُ مَاتَ الشّیخُ مَحبوبْ
ولٰکنْ مّاذَھَبْتَ اَنتَ فِینا
مرے محبوب مینا
دل و جاں سے فریدی کی دعا ہے
ملیں تم کو بہشتی جام و مینا
مرے محبوب مینا
