الوداع

آہ … رمـضـان المبـارک رخـصت ہورہا ہـے …

کاش رُک جائیں یہیں بزمِ اِرم کے لمحـے
نہ کبھی ختم ہوں یہ ناز و نِعَم کے لمحے      
پتھروں کوبھی گُہَر کرگئ جسکی تاثیر
حاصلِ عمر ہیں یہ چشمِ کرم کے لمحے

اے رمضاں کے ماہ ونجوم الوداع
بہشـتِ کـرم کی رُسـوم الوداع

ابھی کسطرح تجھکو رخصت کروں
ابـھی تو ہوا تھـا قـدوم الوداع

نگاہِ عقیدت، ہـے اشکوں سے تر
غـموں کا ہے دل میں ہجوم الوداع

کشـادہ ہـے  دروازۂ  دردِ   دل
بھرے جارہے ہیں ہُموم الوداع

سکھـایا بہت کـچھ ترے وعظ نے
اے ہادی  !  اےبحر العلوم الوداع

مکین ومکاں سب ہوئے فیضیاب
کرم میں تھا اتنا عُموم الوداع

ہوئ تـازہ دم ، روحِ کـون ومکاں
مچی تھی ہراک سمت دھوم الوداع

فریدی بھی تجھ سے ہوا مستفیض
ســـخیِّ کثـیـرُ الـرُقـوم  الـوداع

رُسوم … رسم کی جمع،  نشان، نقوش ، دستور ..
ہُموم … ہمّ کی جمع ،  غم دُکھ درد۔۔۔
 رُقوم … رقم کی جمع،  روپیہ پیسہ ….
عموم … عام ہونا ..