امام الانام ،، نظام الاسلام ،، عالِم قریش ،، ناشر الحدیث ،، ماہرعلوم قرآن ، مہتاب برج فقہ ،، آفتاب چرخِ اجتہاد ،، پیکر عشق رسول ،، افتخار امت مسلمہ ،، رہبر کاروان حق ،، حضرت سیدنا ابو عبداللہ محمد بن ادریس (امام شافعی ) علیہ الرحمہ کی بارگاہ میں خراج عقیدت
بموقعہ یوم وصال ۲۹ رجب المرجب
حکمت و دانائی کےدَرپَن ، امام شافعی
علم وفن کےمصدر ومَخزَن امام شافعی
ملتِ ختم الرسل پر انکے احساں بـے شمار
مومنوں کےدل کی ہیں دھڑکن امام شافعی
پردۂ فـکرونـظر پر، جگمگائیں گے سدا
ہیں شہاب فقہ کے مَعدَن امام شافعی
انکےجلوؤں پرفداہیں علم کے ماہ ونجوم
ہیں نرالی شان سے روشن امام شافعی
وہ رہےتاعمر، ناموس نبی کے پہریدار
مرد میداں ، پیکر آہَن امام شافعی
دائم اُس مجذوبِ عشقِ مصطفائی کو سلام
فضل مولٰی کےہیں،اک مَسکَن امام شافعی
انکے در سے چشمۂ علمِ نبی جاری ہوا
بھرتےہیں،افکار کے برتن امام شافعی
جو بھی ان سے لَو لگاتا ہے زمانے میں کہیں
دورکردیتےہیں سب الجھن امام شافعی
دست گوہرسازمیں، مٹی بھی آجاے اگر
ہاں اُسےکردیتےہیں کُندن، امام شافعی
شوکت اسلام ومُسلِم ، تیرا ہر رنگِ عمل
حکمتوں کےاے حسیں گلشن امام شافعی
چار میں سے اک، ترا دھارا ہے بحر فقہ کا
جس سےباغ فن ہوا اَحسَن امام شافعی
ذہن ودل،فکرونظر،اب بھی ہیں جس سـے مستنیر
یوں چـمکتا ہے ترا جِیوَن امام شافعی
مالکی وشافعی وحنبلی ، حنفی تمام
تجھپہ ہیں سبکےفدا تن من امام شافعی
ہوگئی اسکی رسائی، سرورِ کونین تک
جس نے تھاما ہے،ترا دامن امام شافعی
تجھپہ برسیں حشرتک فضل الٰہی کےگُہر
نور سـے لبریز ہو مَدفَن، امام شافعی
خانـۂ فـکرِ فـریـدی ، اسلئـے پُرنور ہے
رکھتاہوں،تیری عطا کا دَھن امام شافعی
درپن … آئینہ
معدن ..کان، منبع مخزن
آہن … لوہا
کُندن… خالص سونا
جیون … زندگی، وجود
مدفن … قبر، تربت
از محمد سلمان رضا فریدی صدیقی مصباحی بارہ بنکوی ، مسقط عمان