زُہد اُس کی رَوِش ، فَقر اُس کی ادا
پارسائی لباس اور عبادت غذا
عارفوں کی سند ، زاہدوں کی ضیا
غوثِ اعظم امامُ التُّقیٰ والنُّقیٰ
جلوۂ شانِ قدرت پہ لاکھوں سلام
قاریِ لوحِ تقدیرِ خَلقِ خدا
ناظرِ کُل بلادِ الٰہِ العُلٰی
سالکِ نقشِ پاے نبیِ الھُدیٰ
غوثِ اعظم امامُ التُّقیٰ والنُّقیٰ
جلوۂ شانِ قدرت پہ لاکھوں سلام
آئی بغداد سے ھٰذِہٖ کی ندا
جھک گئے جسکے آگے سب اہلِ صفا
خواجہ نے "بَلْ علٰی راْسِی عَیْنی” کہا
جس کی منبر ہوئی گردنِ اولیاء
اُس قدم کی کرامت پہ لاکھوں سلام
جس کا ہرنقش ، قُربِ خدا کا پتہ
جس کی حد میں زمانے کا ہر فاصلہ
اُس میں جاں آگئ، جسکے تن سے لگا
جس کی منبر ہوئ گردنِ اولیا
اُس قدم کی کرامت پہ لاکھوں سلام