غوث زماں ، مخدوم جہاں ، تاجدار ولایت ،، امام العلماء ، رئیس القراء ، افتخار الشعراء ، حضرت علامہ حافظ و قاری ، مفتی ، محدث ، مفسر و مترجم القرآن ، مخدوم سلطان سید اشرف جہانگیر سمنانی رحمة اللہ علیہ کی بارگاہ میں نذرانۂ عقیدت
بموقعہ عرس پاک ۲۸ محرم الحرام کچھوچھہ شریف یوپی
ولایت کےچمن کی تازگی مخدوم سمناں ہیں
دیار ہند میں فیض علی مخدوم سمناں ہیں
اَبَد تک جس سےمہکیں گے، مہینے سال اور صدیاں
مدینے کے چمن کی وہ کلی مخدوم سمناں ہیں
لگاکر تخت کو ٹھوکر، پیام حُرّیت بخشا
دل مسلم کو اک سِرّ خودی مخدوم سمناں ہیں
جہان فکر و فن،جسکی تجلی سے ہوے روشن
وہ مہتاب علوم حیدری، مخدوم سمناں ہیں
سجےہیں جس نسب میں، آیت تطہیر کے تارے
بحمد اللّہ وہ پاکیزگی مخدوم سمناں ہیں
کیا کرتےتھے ،جنکےناناکی جبریل دربانی
کچھوچھہ میں وہی سبط نبی مخدوم سمناں ہیں
بسے ہیں شخصیت میں، سیرت صدیق کے جوہر
حیا میں، عکس عثمان غنی مخدوم سمناں ہیں
دلوں پر تاجداری کا ہنر، بخشا ہے خواجہ نے
جہاں میں افتخار خسروی مخدوم سمناں ہیں
نبی کےحسن کی تابش ہے انکے خانوادے میں
کہ فرزند رسول ہاشمی ،، مخدوم سمناں ہیں
فلک کی دونوں آنکھیں انکے جلوے دیکھا کرتی ہیں
زمیں کیا ؟ مرجع افلاک بھی مخدوم سمناں ہیں
نہ چھوڑینگےکبھی، انکی محبت کے سفینے کو
ہمارے واسطے نوحِ نَجی مخدوم سمناں ہیں
تجلی نجم کبریٰ سے انھوں نے علم کی پائ
تو شاگرد امام یافعی مخدوم سمناں ہیں
علاء الحق نے بخشےہیں، انھیں وہ گوہر حکمت
جبین فن میں نور سرمدی مخدوم سمناں ہیں
در یحییٰ منیری سے،ملا وہ فیض روحانی
کہ سالک کو شعور و آگہی مخدوم سمناں ہیں
مہارت ایسی تھی حضرت کو، تجوید و قراءَت میں
ریئس بزم قُرّاء آج بھی مخدوم سمناں ہیں
ہمیں صدقہ ملے، دیوان اشرف کی بلاغت کا
وقار شعر ،، تاج شاعری مخدوم سمناں ہیں
وہ علامہ وہ غوث وقت ،، وہ مفتی محدث بھی
گل علم و ہنر کی دلکشی مخدوم سمناں ہیں
شریعت اور طریقت دونوں میں وہ رہبر و ہادی
کمالِ ظاہری اور باطنی مخدوم سمناں ہیں
کتاب عشق و عرفاں کا سبق، سبکو پڑھایا ہے
زمانے کو پیام آشتی، مخدوم سمناں ہیں
اِسی سے ختم ہوں ، اب اختلاف باہمی سارے
کہ حُبِّ چشتی رضوی اشرفی مخدوم سمناں ہیں
وہ ذات پاک تو مجموعۂ جملہ سلاسل ہے
کبیری ، نقشبندی، قادری مخدوم سمناں ہیں
نمایاں ہے جمال چشتیت، اس روئے زیبا سے
یقینا مَظہَر ہند الولی مخدوم سمناں ہیں
ہےانکی زندگی کا لمحہ لمحہ ، اسقدر روشن
کتاب حق کی تحریر جلی مخدوم سمناں ہیں
نکھرتے جارہے ہیں سیرت و کردار کے جلوے
فنا میں بھی بقا کی روشنی مخدوم سمناں ہیں
عروج اشرفیت کو ، گھٹا سکتے نہیں حاسد
اُنھیں کہدو ، کہ وجہِ برتری مخدوم سمناں ہیں
پکارا جائیگا محشر میں، ہمکو اشرفی کہکر
زہے قسمت امام اشرفی مخدوم سمناں ہیں
خزاں آلود موسم، اُس چمن کو کیا اجاڑیں گے
ہر اک برگ وفا کی تازگی مخدوم سمناں ہیں
لگارکھی ہے ماتھے پر درِ مخدوم کی مٹی
مری ہستی کو ناز بندگی مخدوم سمناں ہیں
کبھی رکتی نہیں، انکے سحاب فیض کی بارش
خدا کے فضل سے ایسے سخی مخدوم سمناں ہیں
کمالات فریدی کیوں نہ چمکیں شعر کے اندر
کہ ذہن و فکر کی تابندگی ، مخدوم سمناں ہیں
Me Mohd Aabid Raza siddiqui khadim e RAZA MAKTAB FOUNDATION Eidgah Mohalla Rajgangpur Odisha India me
Me Mohd Aabid Raza siddiqui khadim e RAZA MAKTAB FOUNDATION Eidgah
Mohallaa Rajgangpur Odisha India ye sab Kuch makhdumi Faizan h